- കീടനാശിനികള്‍ നിരോധിക്കുക !
- ജൈവിക കൃഷി യിലേക്ക് കൃഷിയെ തിരിച്ചു വിടുക.
- ജൈവിക വിത്തുകളെ സ്വതന്ത്രമാക്കുക.
- രാസ-വിഷ മുക്തമാക്കി പരിസ്ഥിതിയെ സംരക്ഷിക്കുക.
- രാസവള അധിനിവേശത്തില്‍ നിന്നും ഭൂമിയെ രക്ഷിക്കുക.
- രാസമുക്തമായ ഭക്ഷ്യ വസ്തുക്കള്‍ ലഭ്യമാക്കുക.
- കൃഷിഭൂമി കൃഷിക്കാര്‍ക്ക് നല്‍കുക.
- ജൈവിക കൃഷിയെ പ്രോത്സാഹിപ്പിക്കുക ________________________________
ഇന്ത്യയെന്ന് കേട്ടാല്‍ അഭിമാന
പൂരിതമാകണം അന്ത:രംഗം! കേരളമെന്നു കേട്ടാലോ തിളക്കണം.......
എന്ടോ സള്‍ഫാന്‍ നിരോധിക്കേണ്ടത് കേരളത്തിന്റെ മാത്രം കാര്യമല്ല ഇന്ധ്യയില്‍ ജീവിക്കുന്ന മനുഷ്യര്‍ക്ക്‌ വേണ്ടിയാണ്.
ലോകത്തിനു വേണ്ടിയാണ്.______________
എന്‍ഡോസള്‍ഫാന്‍ ! മാരകമായ ഈ കീടനാശിനി വര്‍ഷങ്ങളായി നമ്മുടെ നാട്ടില്‍ ഉപയോഗിക്കപെട്ടപ്പോള്‍ അതിനു അനുമതി നല്‍കിയ "പ്രജാ ക്ഷേമ തല്‍പരരായ" അധികാരികള്‍ എന്ത് കൊണ്ട് അതുണ്ടാക്കുന്ന ദുരന്തത്തെ കുറിച്ച് അറിയാതെ പോയി ! ഒരു പ്രദേശത്തെ മനുഷ്യര്‍ അതിന്റെ ഇരകളായി കണ്മുന്നില്‍ ഉണ്ടായിട്ടും അതിനെ ലാഘവത്തോട്‌ കൂടി കൈകാര്യം ചെയ്യുന്നതിന്റെ പിന്നിലെ ചേതോ വികാരം എന്താണ്. ഇരകളുടെ ആര്‍ത്തനാദം കേള്‍ക്കാതെ പോകുന്നതിന്റെ പിറകിലെ സമവാക്ക്യം എന്താണ് !
ജനങ്ങള്‍ക്ക്‌ വേണ്ടി ജനങ്ങളാല്‍ തിരഞ്ഞെടുക്കപെട്ടവര്‍ അവര്‍ക്കെതിരായി രൂപം മാറുന്നതിന്റെ "പ്രജാക്ഷേമ" താല്പര്യം എന്താണ് ! മാരകമായ രോഗത്തിനും, നവജാത ശിശുക്കളുടെ വികൃതമായ രൂപങ്ങള്‍ക്കും പിറകിലെ കാരണം വ്യക്തമാക്കപെട്ടിരിക്കെ എന്‍ഡോ സള്‍ഫാന്‍ "പ്രജാക്ഷേമ" താല്‍പര്യങ്ങളില്‍ ഇടം പിടിക്കുന്നതിന്റെ രാഷ്ട്രീയ-രസതന്ത്രം ഇനിയെങ്കിലും പുറത്തു വരേണ്ടിയിരിക്കുന്നു.
അഴിമതി സാര്‍വത്രികമായിരിക്കുന്നു. കോഴ കഥകള്‍ പറഞ്ഞു മീഡിയയുടെ നാവു കുഴഞ്ഞിരിക്കുന്നു. വിവാദങ്ങള്‍ ഒന്നിന് പിറകെ ഒന്നായി വന്നു കൊണ്ടിരിക്കുന്നു. കോടികള്‍! ലക്ഷം കോടികള്‍ ! ഇവ അടുക്കി വെച്ച് രാഷ്ട്രീയം കളിക്കുമ്പോള്‍ തങ്ങളെ തെരെഞ്ഞെടുതയച്ച ജനങ്ങളുടെ ജനാധിപത്യ സ്വപനങ്ങളെ വിസ്മരിക്കുകയാണ്.
എന്‍ഡോസള്‍ഫാന്‍ ! മാരകമായ കീടനാശിനിയെന്നു കണ്ടെത്തി 74 രാജ്യങ്ങളില്‍
നിരോധിചിരിക്കെ എന്ത് കൊണ്ട് ഇപ്പോഴും നമ്മുടെ നാട്ടില്‍ എന്‍ഡോസള്‍ഫാന്‍ !!!!
അധികാരികളുടെ കാഴ്ചകള്‍ക്ക് എന്ത് പറ്റി ? ജനങ്ങളുടെ രോദനം ഇവര്‍ കേള്‍ക്കാതതെന്തു ? ഇവരുടെ കേള്‍വിക്ക് എന്ത് പറ്റി ??മനുഷ്യരെ ബലി കൊടുത്തു എന്ത് പ്രജാക്ഷേമാമാണ് അധികാരികള്‍ ജനങ്ങള്‍ക്ക്‌ മുമ്പില്‍ അവതരിപ്പിക്കുന്നത്‌. എന്പതു ശതമാനവും ദാരിദ്ര്യത്തില്‍ ജീവിക്കുന്ന നമ്മുടെ നാട്ടില്‍ ടണ്‍ കണക്കിന് ഭക്ഷ്യ ധാന്യം ഉപയോഗശൂന്യമാക്കിയ ജനാധിപത്യ വ്യവസ്ഥിതിയാണ് എന്‍ഡോ സല്ഫാനിലൂടെ ജനങ്ങളെ സേവിക്കുന്നത്. കൃഷിയുടെ പേര് പറഞ്ഞു കീടനാശിനി തളിക്കുന്നത്.
എന്‍ഡോസള്‍ഫാന്‍ !മനുഷ്യന്റെ രോദനം കേള്‍ക്കാത്ത ഈ കീടനാശിനിയുടെ നമ്മുടെ നാട്ടിലെ നിലനില്‍പ്പിനു പ്രേരകമായ രാഷ്ട്രീയ-കെമിക്കല്‍ ഫോര്‍മുലയുടെ ശക്തി എന്തായിരിക്കും..? മനുഷ്യനെ കീടമാക്കുന്ന ഈ വിഷം ഇനിയെങ്കിലും ഉപയോഗിക്കല്ലെയെന്നു ഒരു ജനത അധികാരികളുടെ മുമ്പില്‍ ഉറക്കെ വിളിച്ചു പറയുമ്പോള്‍ കേള്‍ക്കാതെ പോകുന്ന ജനാധിപത്യത്തിലെ പ്രജാക്ഷേമ നിര്‍വചനം വരും ദിവസങ്ങളില്‍ വ്യക്തമാകുമെന്ന് കരുതാം.
ഒരു മോഹന്‍ലാല്‍ ചിത്രത്തില്‍ ശ്രീനിവാസന്‍ കഥാപാത്രമായ ഒരു രംഗം :
സ്വന്തം കച്ചവട സ്ഥാപനത്തിലേക്ക് ഉത്പന്നങ്ങള്‍ക്ക് ഓര്‍ഡര്‍ നല്‍കുമ്പോള്‍ "തനിക്കു എത്ര ശതമാനം കമ്മീഷന്‍" കിട്ടുമെന്ന് ചോദിക്കുന്ന സ്ഥാപന ഉടമസ്ഥന്റെ ചോദ്യം !
നമ്മളെ ഭരിക്കാന്‍ വേണ്ടി നമ്മള്‍ തെരെഞ്ഞെടുതവരിലൂടെ പുറത്തു വരുന്ന കോഴ കഥകളുടെ ഫ്ലാഷ് ബാക്കുകളില്‍ അവസാനിക്കുന്നത് വൈരുധ്യം തോന്നുന്ന ശ്രീനിവാസന്റെ അതെ ചോദ്യമാണ് !
ലാഭം മുന്നില്‍ കണ്ടു കീടനാശിനികള്‍ തെളിക്കുമ്പോള്‍ കരിഞ്ഞു പോകുന്നത് മനുഷ്യരും, പ്രകൃതിയുടെ ജീവന വ്യവസ്ഥയുമാണ്. നമ്മുടെ ജനാധിപത്യ സംവിധാനത്തില്‍ ഗ്രസിച്ചിരിക്കുന്ന അഴിമതിയെ ഉന്മൂലനം ചെയ്യാനുള്ള "എന്‍ഡോ സല്ഫാനാണ്" ജനങ്ങള്‍ക്ക്‌ വേണ്ടിയുള്ള സര്‍ക്കാര്‍ ഉപയോഗിക്കേണ്ടത്, അതിനാണ് ഉത്സാഹം കാണിക്കേണ്ടത് !!
അതൊക്കെ തല്‍ക്കാലം മറക്കാം...
എന്‍ഡോസള്‍ഫാന്‍ !
ഇനിയെങ്കിലും ഇരകളുടെ ശബ്ദം കേള്‍ക്കൂ.....മാരകമായ കീടനാശിനികള്‍ നിരോധിക്കൂ !
___________________________________
""മനുഷ്യന്റെ കരങ്ങള്‍ തന്നെയാണ് ഭൂമിയില്‍ നാശമുണ്ടാക്കുന്നത്"" ! (കുര്‍ആന്‍ )
___________________________________
""മനുഷ്യന്റെ കരങ്ങള്‍ തന്നെയാണ് ഭൂമിയില്‍ നാശമുണ്ടാക്കുന്നത്"" ! (കുര്‍ആന്‍ )
